Ramachandi Re Sandhya Odia Poem Lyrics
ରାମଚଣ୍ଡୀରେ ସନ୍ଧ୍ୟା ପଣ୍ଡିତ ନୀଳକଣ୍ଠ ଦାସଙ୍କ ଦ୍ବାରା ରଚନା କରାଯାଇଥିବା ଏକ କବିତା ଯାହା ବହୁ ବର୍ଷ ତଳେ ଚତୁର୍ଥ ଶ୍ରେଣୀ ସାହିତ୍ୟ ବହିରେ ସ୍ଥାନ ପାଇଥିଲା । ପୁନର୍ବାର ସ୍ମୃତି ଉଜାଗର ନିମନ୍ତେ ଆମ୍ବ ୱେବସାଇଟରେ କେବଳ ଆପଣମାନଙ୍କ ପାଇଁ କବିତାଟିକୁ ଲେଖିଅଛୁ ।
କବି ପରିଚୟ
ପଣ୍ଡିତ ନୀଳକଣ୍ଠ ଦାସ ଜନ୍ମ : ୫ / ୮ / ୧୮୮୪ , ମୃତ୍ୟୁ ୬ / ୧୧ / ୧୯୬୭ । ପଣ୍ଡିତ ନୀଳକଣ୍ଠ ଦାସ ଆମ ଓଡ଼ିଶାର ଜଣେ ଖ୍ୟାତନାମା କବି । ସେ ବହୁ କବିତା ଓ ପ୍ରବନ୍ଧ ଲେଖି ଯାଇଛନ୍ତି । ଆମ ଓଡ଼ିଆ ଭାଷାର ଏକ ଇତିହାସ ବହି ମଧ୍ୟ ସେ ଲେଖୁଛନ୍ତି । ତାଙ୍କର ସମସ୍ତ ଲେଖାକୁ ନେଇ ଗୋଟିଏ ବଡ଼ ବହି ଛପାଯାଇଛି । ଏହା "ନୀଳକଣ୍ଠ ଗ୍ରନ୍ଥାବଳୀ"। ନୀଳକଣ୍ଠ ଗୋପବନ୍ଧୁଙ୍କ ପ୍ରତିଷ୍ଠିତ ସତ୍ୟବାଦୀ ବନବିଦ୍ୟାଳୟରେ ଶିକ୍ଷକତା କରୁଥିଲେ । ସେ ଜଣେ ସମାଜ ସଂସ୍କାରକ , ସ୍ବାଧୀନତା ସଂଗ୍ରାମୀ ଓ ରାଜନୀତିଜ୍ଞ ଥିଲେ ।
ରାମଚଣ୍ଡୀ : କୋଣାର୍କଠାରୁ ଅଳ୍ପ ଦୂରରେ , ସମୁଦ୍ର କୂଳରେ ଥିବା ଠାକୁରାଣୀ । ଠାକୁରାଣୀ ନାମ ଅନୁସାରେ ସେ ସ୍ଥାନର ନାମ " ରାମଚଣ୍ଡୀ " ହୋଇଛି ।
ରାମଚଣ୍ଡୀରେ ସନ୍ଧ୍ୟା (Ramachandi Re Sandhya)
ରଚନା : ପଣ୍ଡିତ ନୀଳକଣ୍ଠ ଦାସ (Pandit Nilakantha Das)
କି କରାଳ ଆଜି ରଜନୀ!
ବହେ ଝଞ୍ଜା ପବନ ।
ତରା ନ ଦିଶଇ ଗଗନେ
ଶୁଭେ ଘନ ଗର୍ଜନ ।
ମୂଷଳ – ଧାରାରେ ଝଟିକା
ଦିଏ କଚାଡି କେବେ
ଶୋଇ ପଡ଼ିଛି ତ ବାପା ହେ
ଜାଣୁ ନ ଥିବ ଲବେ ।
ଆଜି ଯେ କୁଆଁର ପୁନିଅଁ
କେଡ଼େ ସୁଖ ଶରଧା
ମାଆ ଭଉଣୀଙ୍କ ଆଦର
ନବ ବସନ ପିନ୍ଧା ।
ମନେ ପଡୁ ନାହିଁ ବାବୁ ହେ
ଲାଗି ଯାଇଛି ନିଦ
ମାଆ ଭଉଣୀଏ ଭବନେ
ଭଜିଥିବେ ବିଷାଦ ।
ଲୁଗାରେ ହଳଦୀ ଲଗାଇ
ଚାହିଁଥିବେ ଜନନୀ
ପିଠାପଣା ଖାଉ ନ ଥିବ ।
ସୁଖେ ଆଜି ଭଗିନୀ ।
ପବନ ଝଙ୍କାରେ ଶୁଣୁ ସେ
ଥିବ ଡାକ ତୁମ୍ଭର
ପଲକେ ପଲକେ ଚମକି
ଭାଙ୍ଗି ଯିବ ଟି ନିଦ
ଶୁଅ ଶୁଅ ଧନ ଆରାମେ
ଶୋଇ ଥାଅରେ ଶିଶୁ
ପଥଶ୍ରମ କରି ଆସିଛ
ଶ୍ରମେ ବିରାମ ମିଶୁ ।
ରହ ରହ ବାଆ ବତାସି
ରହ ବରଷା - ଧାର
କୁଆଁର ପୁନିଅଁ ହେଉରେ
ଆଜି ରଜନୀ ସାରା।
ଉଠି ଆସୁ ନୀଳ ଲହରୀ
ଭେଦି ତାରକା ରାଜି
ନିଶାମଣି ଶୋହୁ ଗଗନେ
ମହୀ ମୁକୁର ମାଜି ।
ପୁନିଅଁ ଜୁଆର ପୁଲକେ
ଭରା ତଟିନୀ ମୁଖ
ମୃଦୁଳ - ଲହରୀ - ହିଲ୍ଲୋଳେ
ଚାରୁ ଚାନ୍ଦ - ମୟୁଖ ।
ମୁହିଁ ଦିନେ ଶିଶୁ ଥିଲଇଁ
ମନେ ପଡୁଛି ମୋର ।
ବସି ଶିଶୁମେଳେ ଦେଖନ୍ତି
ଏ ବିଭବ ରୁଚିର ।
Keywords: Ramachandi Re Sandhya, Ramachandi Re Sandhya By Nilakantha Dash Poem Lyrics, Ramachandi Re Sandhya Odia Lyrics, ରାମଚଣ୍ଡୀରେ ସନ୍ଧ୍ୟା
