ଚର୍ଯ୍ୟାଗୀତିକା: ଆଦ୍ୟସ୍ୱର ୫ - ଗୁଣ୍ଡୁରୀ
ଅନୁସୃଜନ - ଜ୍ୟୋତି ନନ୍ଦ
ପରଶ ଟିକିଏ ଦେ ଲୋ ଯୋଗୀନୀ ପରଶ ଟିକିଏ ଦେ,
ଯେ ଗୁହାଗହୀରେ ମାନବଜନମ ଛିଟାଏ ଛୁଆଁଇ ଦେ ।
ଅଙ୍କମାଳୀ ମୋର ନିରାଶ ନ କର ବଜ୍ର ରମୁ ପଦ୍ମ ଦିନ,
କମଳ ରସର ଦେହ ଆଉ ମୁହଁ କରୁଥିବି ସଦା ପାନ ।
କ୍ରୋଧ ମୋ ବିଷମ ଅଟଇ ଯୋଗୀନୀ କେଶବତୀ କନ୍ୟା ମୋର
ମଣିମୂଳଠାରୁ ଉର୍ଦ୍ଧ୍ୱଉଡ଼ାଣରେ ଅବଶ୍ୟ ଯାତ୍ରା ଏଥର ।
ତାଲାଚାବି ଦେଇ ଶାଶୁକୁ ରଖିଛି ସୂର୍ଯ୍ୟ ଚନ୍ଦ୍ର କଣ୍ଟା ଦୁଇ,
ଗୁଣ୍ଡୁରୀ ବଖାଣେ ସୁରତିର ହେତୁ ଯାଏ କାମକେତୁ ଧରି ।
