ଦଧିମନ୍ଥା ଧ୍ୱନି ଶୁଣି ଧୀରେ ଆସେ ନୀଳମଣି଼
ସଙ୍ଗେ ଆସେ ଭାଇ ବଳରାମ
ଚୁମ୍ୱଇ ଶ୍ରୀ ଚନ୍ଦ୍ରମା ବଦନ । ୧।
ବୋଲେ ଶୁଣ ଯଦୁମଣି ଦେବି ମୁଁ ସର ଲବଣୀ
ଖାଇ ନାଚ ବାବୁ ମୋର ଆଗେ
ଚାହିଁ ଜନନୀ ବଦନ ଗେଲେ ବୋଲଇ ବଚନ
କର ପାତି ନବନୀତ ମାଗେ । ୨।
ଦେଏ ମା' ଦେଏ ମା' ବୋଲି ଅଳି କରେ ବନମାଳୀ
ଆଗେ ଦେଲେ ପଛେ ମୁଁ ନାଚିବି
ନ ଦେଲେ ନାଚିବି ନାହିଁ ଯାଉଛି ଯିବି ପଳାଇ
ଆଉ ତୋ' ଘରକୁ ନ ଆସିବି । ୩।
ଏମନ୍ତ ଅଝଟ ବାଣୀ ଶୁଣି ମୋଦେ ନନ୍ଦରାଣୀ
କର ଭରି ଦେଲେ ନବନୀତ ।
ମୁଖେ ନବନୀତ ଭରି ନାଚେ ନାନା ରଙ୍ଗେ ହରି
ଢଳି ଢଳି ଗାଏ ରଙ୍ଗେ ଗୀତ । ୪।
କଟିରେ ବାଜେ କିଙ୍କିଣୀ ଶ୍ରୀପଦେ ନୂପୁର ଧ୍ୱନି
କିଣି କିଣି ବାଜିଲା ସଘନ ।
କିଣି ନେଲା ରାଣୀ ମନ ମନ୍ଥନ ଦଣ୍ଡ ଛାଡ଼ିଣ
କରତାଳି ଦିଏ ଘନ ଘନ । ୫।
ନାଚ ଦେଖି ନନ୍ଦରାଣୀ ବୋଲେ ଦେଖ ଲୋ ରୋହିଣୀ
ଆନନ୍ଦରେ ହେଲେ ଗଦ ଗଦ ।
ଦୀନ ଜଗବନ୍ଧୁ ବୋଲେ ମହା ପୁଣ୍ୟ କରିଥିଲେ
ମିଳେ ସିନା ଏ ଶିରୀ ସମ୍ପଦ । ୬।
--ଶବ୍ଦାର୍ଥ--
ସୁରପତି - ଇନ୍ଦ୍ର
ଇଷିତେ - ଅନାୟାସରେ
Tag::Batsalya kabita, Batsalya odia, Batsalya kabya, Batsalya padya, Batsalya padabali, ବାତ୍ସଲ୍ୟ, ବାତ୍ସଲ୍ୟ କବିତା, ବାତ୍ସଲ୍ୟ ଓଡିଆ, ବାତ୍ସଲ୍ୟ କାବ୍ୟ
