ଜଳବାୟୁ:
ଆର୍ଦ୍ର ଜଳବାୟୁ ଓ ଲୁଣି ପବନରେ ଭଲ ବଢ଼େ। ମରୁଡି ସହିପାରେ ନାହିଁ । ସମୁଦ୍ର ପତ୍ତନ ଠାରୁ ୧୦୦ ମିଟର ଉଚ୍ଚ ପର୍ଯ୍ୟନ୍ତ ଚାଷ କରାଯାଇପାରେ ।
ମୃତ୍ତିକା :-
ନିଗିଡା, ବଳିଆ,ଦୋରସା ମାଟିରେ ଭଲ ବଢ଼େ।
କିସମ :-
ମଙ୍ଗଳା, ସୁମଙ୍ଗଳା ଓ ଶ୍ରୀମଙ୍ଗଳା।
ବଂଶବିସ୍ତାର :-
ମଞ୍ଜିରୁ ଚାରା ପ୍ରସ୍ତୁତ କରାଯାଏ । ଗେଡା ଓ ଜାକି ହୋଇ ଅଧିକ ପତ୍ରଥିବା ଚାରା ଲଗାଇବା ପାଇଁ ବଛାଯାଏ । ୫-୬ ପତ୍ରିଆ ୧୨-୧୮ ମାସିଆ ଚାରା ଗଛ ଲାଗେଇବା ପାଇଁ ଉପଯୁକ୍ତ ଅଟେ ।
ଲଗାଇବା ସମୟ :-
ଜୁନ - ଜୁଲାଇ
ଲଗାଇବା ଦୂରତା :-
୨.୭ମି × ୨.୭ମି
ଗାତର ମାପ :-
୬୦ ସେ.ମି. × ୬୦ ସେ.ମି. × ୬୦ ସେ.ମି.
ଖତ ଓ ସାର :-
୫ ବର୍ଷ ବା ତଦୁର୍ଦ୍ଧର ଗୁଆ ଗଛ ପ୍ରତି ୧୦-୧୫ କି.ଗ୍ରା. କମ୍ପୋଷ୍ଟ ଖତ କିମ୍ବା ସବୁଜସାର ଦିଆଯାଏ । ଏଥି ସହିତ ୧୦୦ ଗ୍ରାମ୍ ଯବକ୍ଷାରଜାନ, ୪୦ ଗ୍ରାମ୍ ଫସଫରସ୍ ଓ ୧୫୦ ଗ୍ରାମ୍ ପଟାସ୍ ଦିଆଯିବା ଦରକାର । ୫ ବର୍ଷରୁ କମ୍ ଗୁଆ ଗଛରେ ଉପରୋକ୍ତ ସାର ପରିମାଣର ଅର୍ଦ୍ଧେକ ଦିଆଯାଏ । ପ୍ରାୟତଃ ଉତ୍ତରପୂର୍ଵ ମୌସୁମୀ ବର୍ଷା ସରିଯିବା ପରେ ଜାନୁୟାରୀରୁ ଫେବୃୟାରୀ ମାସ ମଧ୍ୟରେ ଦିଆଯାଇଥାଏ । ଗଛର ଚାରିପଟେ ୦.୭୫ ରୁ ୧ ମିଟର ବ୍ୟାସର୍ଦ୍ଧ ଏବଂ ୨୦ ରୁ ୩୦ ସେ.ମି ଗଭୀରର ଗାତ କରି ସାର ଦିଆଯାଏ ।
ଜଳସେଚନ :-
ଶୀତଦିନେ ଓ ଖରାଦିନେ ଦରକାର ଅନୁଯାୟୀ ଜଳସେଚନ କରାଯାଏ।
ଅମଳ :-
ଗଛପ୍ରତି ୨-୩ କି.ଗ୍ରା. ଶୁଖିଲା ଗୁଆ । ହେକ୍ଟର ପ୍ରତି ୧୦-୧୫ କ୍ବଇଣ୍ଟାଲ ଶୁଖିଲା ଗୁଆ ଅମଳ ହୁଏ । ଲଗାଇବାର ୫ ବର୍ଷପରେ ଫଳଧରେ । ଫଳ ୭୫% ପାଚିବା ପରେ ଅମଳ କରାଯାଏ ।
