Juggernaut Meaning In Odia
ବିଶିଷ୍ଟ ବଙ୍ଗାଳୀ ଲେଖକ ତଥା ଓସ୍କାର ପୁରସ୍କାର ବିଜେତା ଚଳଚ୍ଚିତ୍ର ନିର୍ମାତା ସତ୍ୟଜିତ ରାୟ ଲେଖିଥିଲେ -କବାଟ ବନ୍ଦ କରିବାକୁ ତାଙ୍କୁ ନିର୍ଦ୍ଦେଶ ଦେବା ପାଇଁ ଜଣେ ବ୍ରିଟିଶ ଅଧିକାରୀ କହିଥିଲେ “There was a brown crow” କାରଣ ତାଙ୍କୁ “ଦାରୱାଜା ବନ୍ଦ କରୋ” କହିବା କଷ୍ଟକର ହୋଇଥିଲା।
ୟୁରୋପୀୟ ପଣ୍ଡିତମାନେ ଯେଉଁମାନେ ସଂସ୍କୃତ ଏବଂ ହିନ୍ଦୀ ଶବ୍ଦକୁ ସଠିକ୍ ଭାବରେ ଉଚ୍ଚାରଣ କରିପାରନ୍ତି ନାହିଁ ସେମାନେ ମନୁ ସ୍ମୃତିକୁ ସଠିକ୍ ଭାବରେ ଅନୁବାଦ କରିପାରିବା ଆଶ୍ଚର୍ଯ୍ୟ କରିଥାଏ। | ବାସ୍ତବରେ, ଏହି ପଣ୍ଡିତମାନେ ସନାତନ ଧର୍ମକୁ ବଦନାମ କରିବା ପାଇଁ କୌଣସି ପନ୍ଥା ଛାଡି ନଥିଲେ। ଏହାର ଏକ ଉଦାହରଣ ହେଲା Juggernaut ଶବ୍ଦ ।
୧୫ ଶତାବ୍ଦୀରେ ଖ୍ରୀଷ୍ଟିଆନ ମିଶନାରୀମାନେ ଧର୍ମ ପରିବର୍ତ୍ତନ ଉଦ୍ଦେଶ୍ୟରେ ବଙ୍ଗଳାର ଦ୍ୱାର ଦେଇ ଓଡ଼ିଶାରେ ପହଞ୍ଚିଥିଲେ। ଏତେ ସଂଖ୍ୟକ ସନାତନ ଧର୍ମୀଙ୍କ ହୃଦୟରେ ପ୍ରଭୁ ଜଗନ୍ନାଥଙ୍କୁ ଦେଖି ସେମାନେ ସହି ପାରିନଥିଲେ। ସେମାନଙ୍କ ଆକ୍ରୋଶର ଶିକାର ହୋଇଥିଲେ ପ୍ରଭୁ ଜଗନ୍ନାଥ।
ସେମାନଙ୍କ ଯୋଜନାବଦ୍ଧ ଭାବରେ ସନାତନ ଧର୍ମକୁ ମିଶନାରୀ କ୍ଲାଉଡିୟସ୍ ବୁକାନନ ଦ୍ୱାରା ପରିଚାଳିତ ହୋଇ କଳଙ୍କିତ କରିବା ପାଇଁ ଚେଷ୍ଟା କରିଥିଲେ।
କ୍ଲାଉଡିୟସ୍ ବୁକାନନ ତାଙ୍କ ପୁସ୍ତକ “Christian Researches in Asia (ଏସିଆର ଖ୍ରୀଷ୍ଟିଆନ ଅନୁସନ୍ଧାନ)” ରେ ଜଗନ୍ନାଥଙ୍କୁ Juggernaut ଭାବରେ ବର୍ଣ୍ଣନା କରିଥିଲେ ଏବଂ ହିନ୍ଦୁ ଧର୍ମକୁ "ରକ୍ତମୁଖା, ହିଂସାତ୍ମକ, ଅନ୍ଧବିଶ୍ୱାସୀ ତଥା ପଛୁଆ ଧାର୍ମିକ ବ୍ୟବସ୍ଥା" ବୋଲି କହିଥିଲେ।
ବୁକାନନଙ୍କ ଅନୁଯାୟୀ, ଖ୍ରୀଷ୍ଟିଆନ ସୁସମାଚାର (Christian gospel) ଦ୍ୱାରା ହିନ୍ଦୁ ଧର୍ମକୁ ଲୁପ୍ତ କରିଦେବା ଆବଶ୍ୟକ ଅଟେ। ସେ Juggernaut କୁ ବାଇବଲରେ ବର୍ଣ୍ଣିତ ମଲୋଚଙ୍କ କିଣାନୀୟ ଦେବତା ଯିଏ ଶିଶୁ-ବଳିଦାନ ଦ୍ୱାରା ପୂଜିତ ହେଉଥିଲା ତାଙ୍କ ସହ ତୁଳନା କରିଥିଲେ।
ଆହୁରି ତାଙ୍କ ପୁସ୍ତକରେ ବୁକାନନ୍ ଜଗନ୍ନାଥ ମନ୍ଦିରକୁ ଗୋଲଗାଥା ସହ ତୁଳନୀୟ ବୋଲି କହିଥିଲେ- ଯେଉଁଠାରେ ଯୀଶୁ ଖ୍ରୀଷ୍ଟଙ୍କୁ କ୍ରୁଶରେ ଚଢାଇ ଦିଆଯାଇଥିଲା। ସେ ଦାବି କରିଥିଲେ ଯେ "ଜଗନ୍ନାଥ ପରମ୍ପରା" ଅତ୍ୟନ୍ତ ଅର୍ଥହୀନ ମୂର୍ତ୍ତି ପୂଜା ସହ ଶିଶୁମାନଙ୍କୁ ମିଥ୍ୟା ଦେବତାମାନଙ୍କ ନିକଟରେ ବଳି ଦିଆଯାଇଥିବା ସ୍ଥାନ ଅଟେ।
ସେ କହିଛନ୍ତି ଯେ "ଅଶ୍ଳୀଳ ସ୍ଥାନ" ହେତୁ ସେ ଜଗନ୍ନାଥଙ୍କୁ ଉତ୍ସର୍ଗୀକୃତ ଭଜନ ପଢ଼ିପାରିବେ ନାହିଁ। ସେ ଜଗନ୍ନାଥ ମନ୍ଦିରର ଚିତ୍ରକଳାକୁ "ଅଶ୍ଳୀଳ ପ୍ରତୀକ" ବୋଲି କହିଥିଲେ।
ବୁକାନନ୍ ଚତୁରତାର ସହ ଦାବି କରିଛନ୍ତି ଯେ ପ୍ରଭୁ ଜଗନ୍ନାଥଙ୍କ ବାର୍ଷିକ ରଥଯାତ୍ରା ଏକ ରକ୍ତାକ୍ତ ରୀତିନୀତି ଯେଉଁଠାରେ ପ୍ରଭୁଙ୍କ ରଥ ଯାଉଥିଲା ଏବଂ ଭକ୍ତମାନେ ରଥର ଚକ ଆଗରେ ଚାପାଖାଇ ରକ୍ତ ଜୁଡୁବୁଡୁ ଅବସ୍ଥାରେ ମୃତ୍ୟୁ ବରଣ କରୁଥିଲେ।
ମାଇକେଲ ଜେ. ଅଲ୍ଟ ମ୍ୟାନ ତାଙ୍କ ପୁସ୍ତକ "Heathen, Hindoo, Hindu: American representations of India" ରେ ବୁକାନନ୍ ବିଷୟରେ ଦର୍ଶାଇଛନ୍ତି ଯେ-
"ଭୟଙ୍କ କଳା ରଙ୍ଗରେ ରଙ୍ଗିତ ହୋଇ ରକ୍ତାକ୍ତ ମୁଖ ସହିତ ରକ୍ତ ପାଇବା ପରେ ହସିବା ଭଳି ଓଠ ବୁକାନନ୍ ବର୍ଣ୍ଣନା କରିଛନ୍ତି।"
ବର୍ତ୍ତମାନ Juggernaut ଶବ୍ଦର ପ୍ରୟୋଗ
୧. ଆଜି Juggernaut ଶବ୍ଦର ଅର୍ଥ ହେଉଛି ଏକ ନିର୍ଦ୍ଦୟ ଓ ବିନାଶକାରୀଶକ୍ତି ଯାହାକୁ ଅଟକାଯାଇପାରିବା ଅସମ୍ଭବ। ଏହାକୁ ପାଶ୍ଚାତ୍ୟ ବିଦ୍ବାନମାନେ ଜଗନ୍ନାଥଙ୍କ ରଥ ସହ ତୁଳନା କରନ୍ତି।
୨. "ମଲୋଚ" ବାଇବଲ ବର୍ଣ୍ଣିତ ଏପରି ଏକ ଦୁର୍ଦାନ୍ତ ଓ ଅଖ୍ୟାତି ରହିଛି ଯେ ପ୍ରସିଦ୍ଧ ଭିଡିଓ ଗେମ୍ ଫ୍ରାଞ୍ଚାଇଜ୍ "Mortal Combat" ମଧ୍ୟ ସେମାନଙ୍କ ଖେଳରେ ଏକ ଆସୁରିକ ଚରିତ୍ର ସହଯୋଡିଥିଲା । ଯାହାର ନାମ "Moloch- a flesh eating Oni tormenting people through ages".
୩. ମାର୍ଭଲ ସିନେମାର ଲୋକପ୍ରିୟତା ଭାରତରେ ବୃଦ୍ଧି ପାଉଥିବା ବେଳେ Juggernaut ନାମରେ ଏକ ଚରିତ୍ରକୁ ନିଜ ଫିଲ୍ମ Deadpool ମାଧ୍ୟମରେ ଦର୍ଶାଇଛନ୍ତି।
୪. ଭାରତର ପ୍ରଧାନମନ୍ତ୍ରୀ ତାଙ୍କ ଏକ ଭାଷଣରେ Juggernaut ଶବ୍ଦର ପ୍ରୟୋଗ କରିଥିବା ଦେଖାଯାଇଥିଲା।
୫. ଆଜି ଓଡ଼ିଶାର ଅନେକ ଲୋକ ପ୍ରଭୁ ଜଗନ୍ନାଥ ବଦଳରେ ପାଶ୍ଚାତ୍ୟ ଶୈଳୀରେ Juggernaut ଶବ୍ଦ ବ୍ୟବହାର କରୁଛନ୍ତି। ଯାହାକି "ଅଳ୍ପବିଦ୍ୟା ଭୟଙ୍କରୀ" ସଦୃଶ।
https://blog.odiabook.in/2022/03/The-term-JUGGERNAUT-is-an-insult-to-Odia-culture.html
