What Is E Waste Know In Odia
ଇ - ଆବର୍ଜନା କ'ଣ (E Waste Meaning In India)
ଯେତେବେଳେ ଇଲେକ୍ଟ୍ରୋନିକ୍ ଉପକରଣକୁ ଅଧିକ ଦିନ ପ୍ରୟୋଗ କରିବା ପରେ ଉପକରଣ ସବୁ ଖରାପ ହୋଇଯାଇଥାଏ ବା ବ୍ୟବହାର ଅନୁପଯୋଗୀ ହୋଇଯାଏ ସେହି ବସ୍ତୁକୁ ଇ ୱେଷ୍ଟ ବା ଇ - ଆବର୍ଜନା କୁହାଯାଏ । ଯେପରି କମ୍ପ୍ୟୁଟର(computer) , ମୋବାଇଲ ଫୋନ୍(mobile phone) , ପ୍ରିଣ୍ଟର୍ସ(printer) , ଫଟୋକପି ମେସିନ୍(photo copy machine) , ଇନଭର୍ଟର(inverter) , ୟୁପିଏସ୍(UPS) , ଏଲସିଡ଼ି( LCD), ଟିଭି(TV) , ରେଡ଼ିଓ (radio)/ ଟ୍ରାଞ୍ଜିଷ୍ଟର( transistor) , ଡିଜିଟାଲ କ୍ୟାମେରା(digital camera) ଇତ୍ୟାଦି । ବିଶ୍ୱରେ ପାଖାପାଖି ୨୦୦ ରୁ ୫୦୦ ଲକ୍ଷ ମିଲିୟନ୍ ଟନ୍ ଇ – ଆବର୍ଜନା ବାହାରି ଥାଏ । କେନ୍ଦ୍ରୀୟ ପ୍ରଦୂଷଣ ବୋର୍ଡ, ନୂଆ ଦିଲ୍ଲୀ ଦ୍ୱାରା କରାଯାଇଥିବା ଏକ ସର୍ବେକ୍ଷଣ ଅନୁସାରେ ୨୦୦୫ ରେ ଭାରତର ଇ-ଆବର୍ଜନାର ମାତ୍ରା ୧.୪୭ ଲକ୍ଷ ମିଲିୟନ୍ ଟନ୍ ଥିଲ।
ଆହୁରି ପଢ଼ନ୍ତୁ: Acid Rain In Odia
ପରେ ୨୦୧୨ରେ ବଢ଼ି ପାଖାପାଖି ୮ଲକ୍ଷ ମିଲିୟନ୍ ଟନ୍ ହୋଇଥିଲା । ଏହି ରିପୋର୍ଟ ଅନୁସାରେ ଇ - ଆବର୍ଜନାର ମାତ୍ରା ଗତ ଛଅ ବର୍ଷରେ ୫ଗୁଣ ବଢ଼ିବା ସହିତ ଏଥିରେ ନିରନ୍ତର ବୃଦ୍ଧି ଘଟି ବାରେ ଲାଗିଛି । ୨୦୧୬ରେ କରାଯାଇଥିବା ସର୍ଭେ ଅନୁସାରେ ଭାରତ ଇ ଆବର୍ଜନା ଉତ୍ପାଦନ କରିବାରେ ପଞ୍ଚମ ସ୍ଥାନରେ ରହିଛି । ୨୦୧୬ରେ ୧.୬୪ଲକ୍ଷ ମିଲିୟନ ଟନ୍ ଇ - ଆବର୍ଜନା ରେକର୍ଡ଼ କରାଯାଇ ଥିବାବେଳେ ଓଡ଼ିଶାରେ ଏହି ଆବର୍ଜନାର ହାର ପ୍ରାୟ ୩.୯ ପ୍ରତିଶତ। ୨୦୨୦ ରେ ଭାରତର ଇ-ଆବର୍ଜନା ୩.୨୩୦ମିଲିୟନ ଟନ୍।
୨୦୧୬ ମସିହା ରେକର୍ଡ଼ ଅନୁସାରେ କେଉଁ ଦେଶ କେତେ ଇ - ଆବର୍ଜନା ଉତ୍ପାଦନ କରୁଛି ତା’ର ଟପ୍ ୧୦ ବିବରଣୀ ନିମ୍ନରେ ଦିଆଯାଇଛି ।
| ଦେଶର ନାମ | ଇ-ଆବର୍ଜନାର ପରିମାଣ |
|---|---|
ଆମେରିକା | ୭.୦୭ ମି.ଟନ୍ |
ଚୀନ | ୬.୦୩ ମି |
ଜାପାନ୍ | ୨.୦୨ ମି |
ଜର୍ମାନ୍ | ୧.୭୭ମି.ଟନ୍ |
ଭାରତ | ୧.୬୪ମି.ଟନ୍ |
ୟୁନାଇଟେଡ଼ କିଙ୍ଗଡ଼ମ୍ | ୧.୫୧ମି.ଟନ୍ |
ଫ୍ରାନ୍ସ | ୧.୪୨ ମି.ଟନ୍ |
ବ୍ରାଜିଲ | ୧.୪୧ମି.ଟନ୍ |
ଋଷିଆ | ୧.୨୩ମି.ଟନ୍ |
ଇଟାଲୀ | ୧.୦୭ମି.ଟନ୍ |
୨୦୨୦ ମସିହା ରେକର୍ଡ଼ ଅନୁସାରେ କେଉଁ ଦେଶ କେତେ ଇ - ଆବର୍ଜନା ଉତ୍ପାଦନ କରୁଛି ତା’ର ଟପ୍ ୧୦ ବିବରଣୀ ନିମ୍ନରେ ଦିଆଯାଇଛି ।
| ଦେଶର ନାମ | ଇ-ଆବର୍ଜନାର ପରିମାଣ |
|---|---|
ଚୀନ | ୧୦.୧୨୯ମି.ଟନ୍ |
ଆମେରିକା | ୬.୯୧୭ମି.ଟନ୍ |
ଭାରତ | ୩.୨୩୦ମି.ଟନ୍ |
ଜାପାନ୍ | ୨.୫୬୯ମି.ଟନ୍ |
ବ୍ରାଜିଲ | ୨.୧୪୩ମି.ଟନ୍ |
ଋଷିଆ | ୧.୬୩୧ମି.ଟନ୍ |
ଜର୍ମାନ୍ | ୧.୬୦୭ମି.ଟନ୍ |
ୟୁନାଇଟେଡ଼ କିଙ୍ଗଡ଼ମ୍ | ୧.୫୯୮ମି.ଟନ୍ |
ଫ୍ରାନ୍ସ | ୧.୩୬୯ମି.ଟନ୍ |
ଇଟାଲୀ | ୧.୦୬୩ମି.ଟନ୍ |
ଆମ ରାଜ୍ୟରେ ବର୍ଷକୁ ପ୍ରାୟ ୧୧ହଜାର ଟନ୍ ରୁ ଅଧିକ ଇ - ଆବର୍ଜନା ସୃଷ୍ଟି ହେଉଛି । ଏହାଠାରୁ ଢେର୍ ଅଧିକ ଗୁଣରେ ବିଦେଶରେ ବହୁ ସଂଖ୍ୟକ ପୁରୁଣା ବୈଦ୍ୟୁତିକ ସରଞ୍ଜାମ ଇ - ଆବର୍ଜନାର ରୂପ ନେଉଛି । ପ୍ରତି ବର୍ଷ ପାଖାପାଖି ୬୦ ନିୟୁତ ଟନ୍ ଇ - ଆବର୍ଜନା ପୃଥିବୀ ପୃଷ୍ଠରେ ଜମା ହେଉଛି । ଏଥି ମଧ୍ୟରୁ ଆମେରିକାରେ ପ୍ରତି ବର୍ଷ ୪୦ ନିୟୁତ ଟନ୍ କମ୍ପ୍ୟୁଟରଜନିତ ଇ - ଆବର୍ଜନା ସୃଷ୍ଟି ହେଉଛି । ତେବେ ମାତ୍ର ୧୫ରୁ ୨୦ପ୍ରତିଶତ ଆବର୍ଜନା ପୁନଃ ପ୍ରକ୍ରିୟାକରଣ ହେଉଥିବାବେଳେ ବାକି ସବୁ ମାଟିରେ ପଡି ରହୁଛି । ପରିବେଶ ଉପରେ ପ୍ରଭାବ ଉପଯୁକ୍ତ ଭାବେ ପ୍ରକ୍ରିୟାକରଣ ନ ହୋଇ ଏଣେତେଣେ ପଡୁଥିବା ଏହି ଇ - ଆବର୍ଜନାରୁ ବିଭିନ୍ନ ବିଷାକ୍ତ ପଦାର୍ଥ ବାହାରିବା ସହିତ ପରିବେଶ ପାଇଁ ମହାବିପଦ ର କାରଣ ହେବାର ଆଶଙ୍କା ଦେଖାଦେଇଛି । ଏଥିରୁ ପାରଦ , କାଡମିୟମ୍ , ସୀସା , ବୋରିୟମ୍, ପ୍ଲାଷ୍ଟିକ୍ ଆଦି ସହିତ ବହୁ ପ୍ରକାର ରାସାୟନିକ ଏବଂ ବିଷାକ୍ତ ପଦାର୍ଥ ବାହାରିବା ସହିତ ମୃତ୍ତିକା ଏବଂ ବାୟୁମଣ୍ଡଳକୁ ପ୍ରଦୂଷିତ କରିବାରେ ଲାଗିଛି । ଏକ ଅନ୍ତର୍ଜାତୀୟ ସଂସ୍ଥା ଦ୍ୱାରା ହୋଇଥିବା ଆକଳନ ଅନୁସାରେ ପୃଥିବୀରେ ପ୍ରତି ବର୍ଷ ୫୦୦ ନିୟୁତ କମ୍ପ୍ୟୁଟର ଇ - ଆବର୍ଜନାରେ ସାମିଲ ହେଉଛି । ଏଥିରୁ ୨୮୭ କୋଟି ଓଜନର ସୀସା , ୨୮୬ , ୭୦୦ ନିୟୁତର କେଜି ଓଜନର ପାରଦ ଆଦି ସୃଷ୍ଟି ହୋଇଥାଏ । ଏହି ବସ୍ତୁ ଭାରୀ ଧାତୁ ଏବଂ ବିଷାକ୍ତ ଦ୍ରବ୍ୟ ପରିବେଶ ଏବଂ ମାନବ ସମାଜ ପାଇଁ ବହୁବିପଦର କାରଣ ହୋଇପାରେ।
ଯାହାଫଳରେ ମୃତ୍ତିକା , ଜଳ ଏବଂ ବାୟୁ ବହୁମାତ୍ରାରେ ପ୍ରଦୂଷିତ ହେବା ସହିତ ବହୁ ଅସାଧ୍ୟ ରୋଗର କାରଣ ହେବାର ଆଶଙ୍କାକୁ ମଧ୍ୟ ଏଡାଇ ଦେଇ ହେବ ନାହିଁ । ବର୍ତ୍ତମାନ ଯେଉଁ ମାତ୍ରାରେ ଇ - ଆବର୍ଜନା ସୃଷ୍ଟି ହେଉଛି , ଆଗାମୀ ୨୦୩୦ ମସିହା ସୁଦ୍ଧା ଏହି ଆବର୍ଜନା ହାର ୫୦୦ପ୍ରତିଶତ ବୃଦ୍ଧି ପାଇବ ବୋଲି ଆଶା କରାଯାଉଛି । ଇଲେକ୍ଟ୍ରୋନିକ୍ ୱେଷ୍ଟକୁ ଅବୈଜ୍ଞାନିକ ମାଧ୍ୟମରେ ନଷ୍ଟ କରିଯାଉଛି ଇ-ଆବର୍ଜନା କୁ ଜଳରେ ପକାଇବା ଦ୍ଵାରା କାର୍ସେନୋ ଜେନ୍ସ- ଡାଇ ବେଞ୍ଜୋପେରା ଡ଼ାୟୋକ୍ସିନ(TCDD-ଟିସିଡ଼ିଡ଼ି ) ଏବଂ ନ୍ୟୁରୋଟକ୍ସିନ୍ସ ଭଳି ବିଷାକ୍ତ ଗ୍ୟାସ ଉତ୍ପନ୍ନ ହୋଇଥାଏ । ଏହି ଗ୍ୟାସରୁ ମାନବ ଶରୀରରେ ପ୍ରଜନନ କ୍ଷମତା , ଶାରୀରିକ ବିକାଶ ଏବଂ ପ୍ରତିରୋଧକ କ୍ଷମତା ପ୍ରଭାବିତ ହୋଇଥାଏ । ତା'ସହିତ ହର୍ମୋନାଲ ଅସନ୍ତୁଳନ ଓ କ୍ୟାନ୍ସର ହେବାର ଆଶଙ୍କା ଥାଇପାରେ । ଏହା ବ୍ୟତୀତ କାର୍ବନ ଡାଇଅକ୍ସାଇଡ଼ , କାର୍ବନ ମନୋକ୍ସାଇଡ଼ , ତଥା କ୍ଲୋରୋଫ୍ଲୋରା କାର୍ବନ ବି ରହିଥାଏ। ଯାହା ବାୟୁମଣ୍ଡଳ ଓ ଓଜନ ସ୍ତରକୁ କ୍ଷତି ପହଞ୍ଚାଇଥାଏ ।
ଇ - ଆବର୍ଜନାରୁ ମିଳୁଥିବା ବିଷାକ୍ତ ପଦାର୍ଥ ଓମାନବ ଉପରେ ପଡୁଥିବା କୁପ୍ରଭାବ
- ପ୍ରିଣ୍ଟେଡ଼ ସର୍କିଟ୍ ବୋର୍ଡ ସୀମା printed circuit board , କାଡ଼ମିୟମ୍ ( ଏକପ୍ରକାର ବିଷାକ୍ତ ଧାତୁ )
- ମଦର ବୋର୍ଡ଼ mother board -ବେରିଲିୟମ
- କ୍ୟାଥେଡ଼ର ଟ୍ୟୁବ୍ cathode tube- ଲିଡ଼ ଅକ୍ସାଇଡ଼ , ବେରିୟମ , କାଡ଼ମିୟମ୍
- ସ୍ଵିଚ switch- ଫ୍ଲେଟ ସ୍କ୍ରିନ୍ ମନିିିିିିିଟର-flat screen moniter- ପାରଦ
-କମ୍ପ୍ୟୁଟର computer battery -କାଡ଼ମିୟମ୍
- କେବୁଲ ଇନ୍ସୁଲେସନ୍ କୋଟିଂ cable insulation coating -ପଲି ବିନାୟଲ , କାଡ଼ମିୟମ୍
- ପ୍ଲାଷ୍ଟିକ୍ ହାଉସିଂ plastic housing ବ୍ରୋମିନ୍
ଏହି ସବୁ ଇ - ଆବର୍ଜନାରୁ ବାହାରୁଥିବା ବିଷାକ୍ତ ପଦାର୍ଥ ସବୁ ଲୋକମାନଙ୍କର ବୃକକ୍ , ଯକୃତ , ଆନ୍ତ୍ରିକ , ମୁଣ୍ଡବ୍ୟଥା , ଫୁସ୍ଫୁସ୍ ଜନିତ ସମସ୍ୟା , ତ୍ବଚାରେ ସଂକ୍ରମଣ , ଦୀର୍ଘ କାଳୀନ ରୋଗ , ହୃଦରୋଗ , ଯକୃତ , ମାଂସପେଶୀ ଜନିତ ସମସ୍ୟା , ମସ୍ତିଷ , ଭୃଣର ବିକଶିତ ନ ହେବା ଆଦି ସ୍ଵାସ୍ଥ୍ୟ ସମସ୍ୟା ଦେଖାଦେଇପାରେ ।
କିଛି ଲୋକଙ୍କ ଦ୍ଵାରା ଆର୍ଥିକ ଲାଭ ପାଇବା ଉଦ୍ଦେଶ୍ୟ ରେ ବଡ଼ ବଡ଼ ସହରରେ (ଦିଲ୍ଲୀ , ନୋଏଡ଼ା , ଗୁଡ଼ଗାଁ,ଗାଜିଆବାଦ ଭଳି) ଇ - ଆବର୍ଜନାକୁ ବେଆଇନ୍ ଭାବେ ପୋଡ଼ି ସେଥିରୁ ଭିନ୍ନ ଭିନ୍ନ ଧାତୁ ବାହାର କରୁଛନ୍ତି ।
ଇ- ଆବର୍ଜନା ର ନିସ୍ତାରଣ ବିଧି
ଇ - ଆବର୍ଜନାକୁ ସୁରକ୍ଷିତ ଭାବେ ପୁନଃ ବ୍ୟବହାର ଯୋଗ୍ୟ ବା ନିସ୍ଥାରଣ କରିବା ପାଇଁ ୫ ପ୍ରକାରର ବ୍ୟବସ୍ଥା ରହିଛି ।
-ସୁରକ୍ଷିତ ଭାବେ ମାଟି ତଳେ ପୋତି ଦେବା
- ଭଷ୍ମି କରଣ
- ପୁନଃ ଚକ୍ରଣ
- ଏସିଡ଼ ବ୍ୟବହାର କରି ଧାତୁର ପ୍ରକୃତ ରୂପକୁ ପାଇବା
- ପୁନଃ ଉପଯୋଗ କରିବା
ଏହି ସବୁ ପ୍ରକ୍ରିୟା ମଧ୍ୟରୁ ପୁନଃଚକ୍ରଣକୁ ଏବେ ଅଧିକା°ଶ ଦେଶ ଆପଣେଇବାକୁ ପ୍ରୟାସ କରୁଛନ୍ତି ।
ପୁନଃଚକ୍ରଣ ପାଇଁ ସଚେତନ ହେବା ଆବଶ୍ୟକ
ଆମେରିକା ଭଳି ବିକାଶଶୀଳ ରାଷ୍ଟ୍ରରେ ଇ- ଆବର୍ଜନା କୁ ପୁନଃଚକ୍ରଣ କରି ଇଲେକ୍ଟ୍ରୋନିକ୍ ଜିନିଷକୁ ମୂଳ ଧାତୁରେ ପରିଣତ କରାଯାଏ । ପରେ ସେହି ଧାତୁକୁ ନେଇ ଅନ୍ୟାନ୍ୟ ବହୁ ମୂଲ୍ୟ ଜିନିଷ ନିର୍ମାଣ କରାଯାଏ । କିନ୍ତୁ ଆମ ଦେଶରେ ଏହି ପୁନଃଚକ୍ରଣକୁ ନେଇ ଲୋକମାନେ ଏବେ ପର୍ଯ୍ୟନ୍ତ ବି ଅଜ୍ଞ ଅଛନ୍ତି । ଏଥିପାଇଁ କିଛି ସଚେତନତା ରହିବା ଆବଶ୍ୟକ ବିକାଶଶୀଳ ରାଷ୍ଟ୍ରମାନଙ୍କରେ ଆବର୍ଜନାର ପୃଥକୀକରଣ କରି ବା ପାଇଁ ରାସ୍ତାକଡ଼ ମାନଙ୍କ ରେ ଅଲଗା ଅଲଗା ଡଷ୍ଟବିନ ରଖାଯାଇଥାଏ । ଯେପରି , କାଚ ଜିନିଷ ପାଇଁ ଅଲଗା ଡଷ୍ଟବିନ୍ , ସେପରି ପ୍ଲାଷ୍ଟିକ୍ , ବଳକା ଖାଦ୍ୟ ପାଇଁ ଅଲଗା ଡଷ୍ଟବିନ୍ ବ୍ୟବସ୍ଥା କରାଯାଇଥାଏ । ଯାହା ଫଳରେ ଆବର୍ଜନାକୁ ଏକାଠି କରି ତାକୁ ପୁନଃ ଚକ୍ରଣ କରିବାରେ ସୁବିଧା ହୋଇଥାଏ । କିନ୍ତୁ ଆମ ଦେ ଶ ର ଏପରି ଅନେକ ସ୍ଥାନ ରହିଛି ଯେଉଁଠାରେ ଘରୁ ବାହାରୁ ଥିବା କି କଳକାରଖାନାରୁ ବାହାରୁ ଥିବା ସମସ୍ତ ଆବର୍ଜନାକୁ ଏକାଠି କରି ଗୋଟିଏ ଡମ୍ଫିଙ୍ଗ ୟାର୍ଡକୁ ନିଆ ଯାଏ । ପୁଣି ସେଠାରୁ ଆବର୍ଜନାକୁସିପୃଥକୀକରଣ କରିବାରେ କଷ୍ଟକର ହୋଇଥାଏ।
ସାରା ବିଶ୍ବରେ ବଡ଼ ମୋବାଇଲ ମାର୍କେଟ ଭାବରେ ଭାରତ ଦ୍ବିତୀୟ ସ୍ଥାନରେ ରହିଛି । ଅନ୍ୟପଟେ ଇ - ଆବର୍ଜନା ଉତ୍ପନ୍ନ କରିବାରେ ଭାରତ ୩ୟ ସ୍ଥାନରେ ରହିଛି। ପ୍ରତିବର୍ଷ ୩୨.୩ ଲକ୍ଷ ଟନ୍ ଇ - ଆବର୍ଜନା ଆମ ଦେଶରୁ ହିଁ ବାହାରୁଛି । ପରିବେଶ , ଜଙ୍ଗଲ , ଜଳବାୟୁ ପରି ବିଭିନ୍ନ ମନ୍ତ୍ରଣାଳୟ ପକ୍ଷ ରୁ ଇପି ଆର ( ଏକ୍ସ ଟେଣ୍ଡେଡ଼ ପ୍ରଡ୍ୟୁସର ରେସ୍ପନସିବିଲିଟି ) ଅଧୀନରେ ୨୦୧୬ ଇ - ୱେଷ୍ଟ ମ୍ୟାନେଜମେଣ୍ଟ ନିୟମ ପ୍ରସ୍ତୁତ କରାଯାଇଛି । ଆଜି ଆମେ ଭାରତ ଏକ ବିଲିୟନ ମୋବାଇଲ ଫୋନ ଅତିକ୍ରମ କରିଥିବାରୁ ଗର୍ବିତ ଅନୁଭବ କରୁଛୁ କିନ୍ତୁ ଏହା ମନେ ରଖିବାକୁ ହେବ ଯେ ଆଜିର ସ୍ମାର୍ଟ ଉପକରଣଟି ଆସନ୍ତା କାଲିର ଇ -ଆବର୍ଜନାରେ ପରିଣତ ହେବ । ଏହା ସହିତ ଅନ୍ୟ ବର୍ଗର ଇ -ଆବର୍ଜନା ମିଶିଲେ ପରିସ୍ଥିତି ଆହୁରି ଗମ୍ଭୀରତର ହୋଇପାରେ। ଏହି ଇ -ଆବର୍ଜନାଗୁଡ଼ିକୁ ପୁନଃବିକ୍ରୟ ପାଇଁ ଶିଶୁ ଶ୍ରମିକ ମାନେ ଖୋଲା ପଡ଼ିଆ ମାନଙ୍କ ରୁ ସଂଗ୍ରହ କରି ଏହାକୁ ହାତରେ ଭାଙ୍ଗି ଏଥିରେ ଥିବା ବିଷାକ୍ତ ଧାତୁ ଯେପରିକି ସୀସା , କାଡ଼ମିଅମ , ପାରଦ ଇତ୍ୟାଦି ଏବଂ ଏଥିରୁ ନିର୍ଗତ ଏସିଡ ସଂସ୍ପର୍ଶରେ ଆସିଥାନ୍ତି । ଭାରତ ରେ ଉତ୍ପନ୍ନ ଇ - ଆବର୍ଜନର ୭୦ ଭାଗ କମ୍ପ୍ୟୁଟର ଡିଭାଇସ୍ ହୋଇଥାଏ , ୧୨ ପ୍ରତି ଶତ ଟେଲିକମ୍ ସେକ୍ଟରରୁ , ୮ପ୍ରତିଶତ ମେଡ଼ିକାଲ ଇକ୍ୟୁପମେଣ୍ଟ ,୭ପ୍ରତିଶତ ଇଲେକ୍ଟ୍ରିକ୍ ଇକ୍ୟୁପମେଣ୍ଟ ଓ ପାଖାପାଖି ୭୫ ପ୍ରତି ଶତ ଇ - ଆବର୍ଜନା ସରକାରୀ , ବେସରକାରୀ , ଘରୋଇ ସଂସ୍ଥାରୁ ଉତ୍ପନ୍ନ ହେଉଛି ।
ବିଦେଶରେ ଏହି ଇ - ଆବର୍ଜନାକୁ ନେଇ ବିଭିନ୍ନ ସଂସ୍ଥାମାନେ ଉଦ୍-ବେଗ ପ୍ରକାଶ କରି ଥିବାବେଳେ ଭାରତ ରେ ବଡ ବଡ ସହର ମାନଙ୍କ ରେ ଏହି ଆବର୍ଜନ ରୁ ପରିବେଶକୁ ରକ୍ଷା କରିବା ପାଇଁ ବୈଜ୍ଞାନିକ ଏବଂ ସ୍ୱେଚ୍ଛାସେବୀ ସଂସ୍ଥାମାନେ ସକ୍ରିୟ । ତେବେ ବିଶ୍ୱର ବଡ଼ ବଡ଼ ସହରମାନଙ୍କ ପରି ଓଡିଶାରେ ଦ୍ରୁତ ଶିଳ୍ପାୟନ ଏବଂ ରାଜ୍ୟ ରାଜଧାନୀ ଭୁବନେଶ୍ୱର ସମେତ ଅନ୍ୟାନ୍ୟ ସହରମାନଙ୍କରେ ଗଢିଉଠୁଥିବା ଶିକ୍ଷାନୁଷ୍ଠାନ ଏବଂ ବାଣିଜ୍ୟିକ ସଂସ୍ଥାରୁ ଭବିଷ୍ୟତରେ ଆହୁରି ବହୁ ପରିମାଣରେ ଇ - ଆବର୍ଜନକୁ ପ୍ରକ୍ରିୟାକରଣ କରିବା ଅସମ୍ଭବ ନୁହେଁ । ତେଣୁ ବ୍ୟବହାର ଅନୁପଯୋଗୀ ଏହି ବୈଦ୍ୟୁତିକ ସରଞ୍ଜାମଗୁଡ଼ିକ ଏଣେତେଣେ ନ ଫୋପାଡି ପୁନଃପ୍ରକ୍ରିୟାକରଣ ଆଗରୁ ସତର୍କ ରହିବା ସହିତ ଏହି ଆବର୍ଜନାକୁ ସଂଗଠିତ ଉପାୟରେ ପ୍ରକ୍ରିୟାକରଣ ସହିତ ପରିବେଶକୁ ରକ୍ଷା କରିବା ପାଇଁ ଏବେଠୁ ଉଦ୍ୟମ ହେବା ଜରୁରୀ ।
ତଥ୍ୟ-Foreword UNU, ITU and ISWA
