ହନୁମାନ ପଇସା ବିଷୟରେ ଆପଣ ନିହାତି ଭାବରେ ଶୁଣିଥିବେ। ହନୁମାନ ପଇସା ପାଇଁ ମଧ୍ୟ ବହୁ ଲୋକଙ୍କ ଜୀବନ ଯାଇଥିବାର ଖବର ଆପଣ ଟିଭି ରେ ଦେଖିଥିବେ କି କିପରି ଏହି ହନୁମାନ ପଇସା ପାଇଁ ହତ୍ୟା କରାଯାଇଛି। ତେବେ କାହିଁକି ଏହି ହନୁମାନ ପଇସା ଏତେ ମୂଲ୍ୟବାନ ? କୁହାଯାଏ କି ଏହି ହନୁମାନ ପଇସା ର ବହୁ ଶକ୍ତି ଥାଏ ଯଦି କୌଣସି ଅନ୍ଧାର ଘରେ ଏହାକୁ ରଖାଯାଏ ତେବେ ଏହା ସମ୍ପୂର୍ଣ ଘରକୁ ଆଲୋକିତ କରିପାରିବାର ଶକ୍ତି ରଖିଥାଏ କେବଳ ଏତିକି ନୁହେଁ ଅରୁଆ ଚାଉଳ କୁ ନିଜ ଆଡକୁ ଆକର୍ଷିତ କରିବାର ଏହାର ଶକ୍ତି ଥାଏ।
ଛତିଶଗଡ ଓ ଓଡିଶାରେ ମଧ୍ୟ ଏକ ଗୁଜବ ରହିଛି। ଏହି ଗୁଜବ ପ୍ରଭୁ ହନୁମାନଙ୍କ ମୁଦ୍ରା ସହିତ ଜଡିତ। କୁହାଯାଉଛି ଯେ ଯାହାର ଏହି ମୁଦ୍ରା ଅଛି ସେ ଭାଗ୍ୟବାନ ଏବଂ ଧନୀ ହେବେ । ଏହି ମୁଦ୍ରାର ଅଭାବରୁ ଅପରାଧ ମଧ୍ୟ ବୃଦ୍ଧି ପାଉଛି । ଗୋଟିଏ ପଟେ ଚୋରି ଏବଂ ମୁଦ୍ରା ଛଡ଼ାଇ ନେଇଥିବା ବେଳେ ଅନ୍ୟ ପଟେ ବଜାରରେ ନକଲି ମୁଦ୍ରା ଅଧିକରୁ ଅଧିକ ଖର୍ଚ୍ଚ ହେଉଛି।
ଯେଉଁମାନେ ଏହି ମୁଦ୍ରାର ଚମତ୍କାରତା କୁହନ୍ତି ସେମାନେ ଦାବି କରନ୍ତି ଯେ ଏହି ମୁଦ୍ରା ଘରେ ସୁଖ, ସମୃଦ୍ଧତା ଏବଂ ଶାନ୍ତି ଆଣିଥାଏ । ସେମାନଙ୍କର ଦାବିର ବାସ୍ତବତାକୁ ପ୍ରମାଣ କରିବାକୁ, ଏହି ଲୋକମାନେ ମୁଦ୍ରାଠାରୁ ଚାଉଳ ଶସ୍ୟ ଟାଣି ଏହାକୁ ଦେଖାନ୍ତି ।
ଚାଉଳ ଶସ୍ୟ ନିକଟରେ ଏହି ମୁଦ୍ରା ଅଣାଯିବା ମାତ୍ରେ ଶସ୍ୟଗୁଡିକ ମୁଦ୍ରା ସହିତ ଲାଗିଥାଏ । ଲୋକମାନେ ଏହି ଚମତ୍କାର ଦ୍ୱାରା ଆଶ୍ଚର୍ଯ୍ୟ ହୋଇଥାନ୍ତି ଏବଂ କୋଟି କୋଟି ଦେଇ କିଣିବାକୁ ରାଜିହୋଇଯାନ୍ତିତେବେ ଏହା ଏକ କୌଶଳ ଛଡା ଆଉ କିଛି ନୁହେଁ ବୋଲି ପୋଲିସ ସୂତ୍ରରୁ ପ୍ରକାଶ। ଚାଉଳ ସହିତ ଏକ ଲୁହା ଫିଲିଙ୍ଗ୍ ମଧ୍ୟ ଅଛି ଏବଂ ମୁଦ୍ରାରେ ବୋଧହୁଏ ଏକ ଚୁମ୍ବକ ଅଛି, ଯାହା ଏହି କୌଶଳକୁ ସତ୍ୟ ଦେଖାଏ ।
ଏହା ମଧ୍ୟ ଦାବି କରାଯାଇଛି ଯେ ଏହାର ଅନନ୍ୟ ଚୁମ୍ବକୀୟ ଶକ୍ତି ହେତୁ ମୁଦ୍ରା ଘଣ୍ଟା ଛୁଞ୍ଚିକୁ ମଧ୍ୟ ବନ୍ଦ କରିଦିଏ । ଏହିପରି ଅନେକ ଭିଡିଓ ୟୁଟ୍ୟୁବରେ ମଧ୍ୟ ଉପଲବ୍ଧ ।
ଭଗବାନ ହନୁମାନଙ୍କ ବ୍ୟତୀତ ଏହି ମୁଦ୍ରାଗୁଡ଼ିକରେ ଶ୍ରବଣ କୁମାର, ପ୍ରଭୁ ରାମ, ଲକ୍ଷ୍ମଣ ଏବଂ ସୀତା,ଙ୍କ ପ୍ରତିମୂର୍ତ୍ତି ମଧ୍ୟ ରହିଥିଲା।
ହନୁମାନ ମୁଦ୍ରା(ଡାବୁ)ର ସତ୍ୟତା
କୁହାଯାଏ ଯେ ଏହି ହନୁମାନ ପଇସା କୁ ଏବେ ବୈଜ୍ଞାନିକ ମାନେ ବିଭିନ୍ନ ପରୀକ୍ଷା ନିରୀକ୍ଷା ଚଳାଇଛନ୍ତି । ଯେଉଁଥିପାଇଁ ଏହାର ମୂଲ୍ୟ ଅମୁଲ ବୋଲି କୁହାଯାଏ। କିନ୍ତୁ ଏହାର କୌଣସି ବୈଜ୍ଞାନିକ ସତ୍ୟତା ନାହିଁ। ଏହା କୌଣସି ବିରଳ ଧାତୁ ରେ ତିଆରି ହୋଇନାହିଁ ବା ଏହା ଅନ୍ୟ ଗ୍ରହର ଅଜଣା ଧାତୁ ରେ ତିଆରି ନୁହେଁ।
ବିଦେଶୀ କମ୍ପାନୀ ମାନେ ଭାରତ ହନୁମାନ ପଇସାରୁ ଆମଦାନୀ କରି ପରୀକ୍ଷା ନିରୀକ୍ଷା କରିଥାନ୍ତି। ଏହା ସମ୍ପୂର୍ଣ୍ଣ ମିଛ। ଏହାର କୌଣସି ପ୍ରମାଣ ଆଜିଯାଏ ମିଳିନାହିଁ ଯେ ହନୁମାନ ପଇସା ଅଛି ବୋଲି । ତେବେ କୁହାଯାଏଯେ 1818 ମସିହାରେ ଇଷ୍ଟ ଇଣ୍ଡିଆ କମ୍ପାନୀ ଶାସନ କରୁଥିବା ବେଳେ ଏକ ଅଷ୍ଟ ଧାତୁ ଦ୍ୱାରା ହନୁମାନ ପଇସା ତିଆରି କରାଯାଇଥିଲା କିନ୍ତୁ ବ୍ରିଟିଶ ଇଷ୍ଟ ଇଣ୍ଡିଆ କମ୍ପାନୀ ପ୍ରଥମେ 1835 ମସିହାରେ ନିଜର ମୁଦ୍ରା ଭାରତରେ ପ୍ରଚଳିତ କରିଥିଲା।
1818, 1717 ଏବଂ 1919 ରେ ନିର୍ମିତ ଏହିପରି ମୁଦ୍ରା ପ୍ରାୟତଃ ଦେଖାଯାଏ । ଏହି ମୁଦ୍ରା ଅନେକ ଇ-କମର୍ସ ୱେବସାଇଟରେ ମଧ୍ୟ ବିକ୍ରି ହେଉଛି ଓ ଏହା ନକଲି ଅଟେ।
କେତେକ ଲୋକ ହନୁମାନ ମୁଦ୍ରାକୁ ତନ୍ତ୍ର ମାଧ୍ୟମରେ ଧନ ଆକର୍ଷଣ କରିବାପାଇଁ ବ୍ୟବହାର କରାଯାଏ ଯୁକ୍ତି ବାଢ଼ିଥାନ୍ତି। କିନ୍ତୁ ଏହା ଏକ ଅବୈଜ୍ଞାନିକ ଅଟେ, ଯାହାର କୌଣସି ସତ୍ୟତା ନାହିଁ। କୁହାଯାଏ ତନ୍ତ୍ର ଏକ ଅଭିଶପ୍ତ ବିଦ୍ୟା ଓ ଏହାର ପ୍ରୟୋଗ କର୍ତ୍ତାର କ୍ଷତି କରିଥାଏ। ହନୁମାନ ଙ୍କୁ ତନ୍ତ୍ର! ତାଙ୍କ ତେଜରୁ ବଞ୍ଚି ପାରିବେ ତ!
ହନୁମାନ ମୁଦ୍ରା ଚାଉଳ କୁ ଆକର୍ଷଣ କରିବା ପାଇଁ ଏକ ଗୁଜବ ଅଟେ। ଏଥି ପାଇଁ ଏକ ପ୍ରକାର କୌଶଳ କରାଯାଏ, ଯଦ୍ୱାରା ଦର୍ଶକଙ୍କୁ ହନୁମାନ ମୁଦ୍ରା ଉପରେ ଚାଉଳ ଆକର୍ଷିତ ହେବା ଜଣା ପଡେ। ବିଶେଷ ଭାବରେ ଚାଉଳ ଉପରେ ଚୁମ୍ବକୀୟ ଶକ୍ତି ପ୍ରୟୋଗ କରାଯାଏ। ଘଣ୍ଟା ର ଛୁଞ୍ଚି ବନ୍ଦ ହୋଇଯିବା ମୁଦ୍ରାକୁ ଇଲେଟ୍ରୋ ମାଗନେଟିକ ଫିଲ୍ଡ (electro magnetic field)ପରି ପ୍ରକ୍ରିୟା ଦ୍ୱାରା ମୁଦ୍ରାକୁ ଚୁମ୍ବକୀୟ କରାଯାଏ।
ପ୍ରାୟ ହନୁମାନ ମୁଦ୍ରା ନକଲି ହୋଇଥାଅ ତେଣୁ ସେଥିରେ ଅଯଥା ନିଜ ସମୟ, ପଇସା ଓ ଜୀବନ ବ୍ୟୟ କରନ୍ତୁ ନାହିଁ।
